Online Tambola caller kyun?
Ghar pe Tambola ho, kitty party ho ya Diwali ki raat, sabse zyada jhanjhat number nikalne mein hota hai: parchiyan, dabba, aur "kaunsa bola tha?" wala jhagda. Ye caller wahi kaam karta hai. Ek tap pe naya number, saaf awaaz mein, aur board pe sab nikle hue numbers ek saath.
Kaise chalayein
- Sabko tickets de do. Nahi hain toh ticket generator se print kar lo.
- "Agla number" dabao, ya Auto call on karke speed chuno.
- Kisi ne claim kiya? Auto band karo, uska ticket board se milao. Galat claim pe "bogey" ka rule ghar wale tay karein.
- Galti se extra number nikla? Undo dabao.
Claims aur rules
Aam taur pe Early 5 (pehle 5 number kate), Top line, Middle line, Bottom line, Four corners aur Full house hote hain. Poore rules aur har claim ka matlab Tambola rules page pe hai.
Sawaal jawaab
Tambola number caller kaise use karein?
Agla number dabao ya keyboard pe Space. Auto call on karo toh har kuch second mein naya number aata hai. Board pe saare nikle hue numbers dikhte hain, aur aakhri number peela.
Kya ye number bolta bhi hai?
Haan. "Bolo" on rakho toh browser number bolta hai. Hinglish style mein "Teen aur saat, saintees" jaisa, ya English mein. Kuch purane phones ya browsers mein awaaz na aaye toh number screen pe toh dikhta hi rahega.
Numbers kitne random hain?
Har number browser ke secure random generator se nikalta hai, aur ek number dobara kabhi nahi aata. 90 ke baad game khatam.
Refresh karne pe game chala jayega?
Nahi. Nikle hue numbers isi browser mein save rehte hain. Naya game ke liye "Naya game" dabao.
TV pe kaise chalayein?
Laptop ko TV se jodo ya phone ki screen cast karo, phir "Full screen" dabao. Bada number aur board poore kamre ko dikhega.
Ticket kahan se milenge?
Hamare free Tambola ticket generator se sahi tickets bana ke print kar lo. Ya Mandli app mein khelo, wahan har kisi ko ticket khud mil jaata hai.